5 bestu vinnuvistfræðilegu ráðin fyrir heimavinnu: Gátlisti yfir vinnuvistfræði við heimavinnu

Segjum eins og er; COVID-19 faraldurinn breytti því hvernig atvinnulífið virkar. Við höfum séð fyrirtæki hagnast á því að taka upp vinnu að heiman eða blandað vinnufyrirkomulag. Starfsfólk kann líka vel að meta blandað fyrirkomulag sem gerir því kleift að breyta til af og til og vinna heima í þægindum. 

Með það í huga þá bjuggu mörg okkar bara til einhverja vinnuaðstöðu í sóttkvínni. Þar sem vinna að heiman virðist þó vera komin til að vera hjá mörgum okkar gæti verið kominn tími til að íhuga að fjárfesta í vinnuaðstöðu sem leggur áherslu á vinnuvistfræði fjarvinnu. 

5 vinnuvistfræðileg ráð fyrir vinnu heima 

Það þarf ekki að vera erfitt að setja upp vinnuvistvæna vinnuaðstöðu – við hjálpum þér. Hér eru 5 vinnuvistfræðileg ráð sem hjálpa þér að koma heimaskrifstofunni þannig fyrir að það sé gott fyrir heilsuna. Notaðu þennan gátlista fyrir vinnuvistfræði heima til að tryggja að vinnuaðstaðan sé þægileg og skili góðum afköstum!

Gakktu úr skugga um að skrifborðið og stóllinn séu í réttri hæð

Passaðu þig á meðan þú vinnur að ofreyna ekki háls eða axlir með því að beygja hálsinn of mikið niður eða teygja hann of mikið upp; staðsetning skrifborðsins skiptir miklu máli í því sambandi. 

Samkvæmt meginreglum vinnuvistfræði er nauðsynlegt að framhandleggir og læri séu samsíða gólfinu þegar setið er. Stillanlegur stóll með góðum stuðningi við mjóbak dregur úr álagi á háls og bak og getur þannig forðað þér frá langvinnum verkjum í hálsi og baki í framtíðinni.

Gættu að líkamsstöðunni 

Rétt líkamsstaða er góð fyrir stöðu hryggjarins, en hann verður yfirleitt fyrst fyrir áhrifum af slæmri líkamsstöðu. 

Það er mikilvægt að fjárfesta í réttum búnaði. Val á skrifborði, stól og skjá skiptir sköpum fyrir góða líkamsstöðu. Helst ætti bakið að hvíla við stólinn. Hnén ættu að vera örlítið frá framkanti sætisins og mjaðmirnar vel studdar svo þér líði vel. 

Skipuleggðu skrifborðið á markvissan hátt 

Óreiðukennt skrifborð er ekki aðeins óhentugt út frá vinnuvistfræði heldur getur það líka dregið verulega úr afköstum. Raðaðu skrifborðinu þannig að hlutir sem þú notar oft séu næst þér. Þannig þarftu síður að snúa þér eða teygja þig til að ná í þá. Taktu líka til á skrifborðinu og fjarlægðu óþarfa hluti sem taka pláss. 

Að lokum geta snúrur verið til ama því þær flækjast oft fyrir. Með nútímatækni fást hins vegar þráðlausar mýs og skjáir sem gera kleift að sérsníða vinnuaðstöðuna sem best. Við mælum með þráðlausri mús og lyklaborði fyrir vinnuaðstöðuna þína.

Fjárfestu í réttum skjá 

Að fjárfesta í réttum búnaði er jafn mikilvægt og að gæta að líkamsstöðunni til að ná vinnuvistfræðilega bestu vinnuaðstöðu. 

Að velja tvöfalda skjái sem er staflað lóðrétt í stað hefðbundinnar uppsetningar hlið við hlið getur dregið úr álagi á hálsinn. Þú þarft ekki stöðugt að líta til hliðar og getur komið skjánum fyrir í hæð sem hentar þér vel.

Geminos staflaði skjárinn er tvöfaldur skjár sem er staflað lóðrétt og gerir þér kleift að stilla hæð skjásins til að forðast óþægilegar vinnustellingar og hjálpar þér að halda hálsinum í hlutlausri stöðu!

Stutt hlé eru nauðsynleg 

Að sitja klukkustundum saman á stól og stara á skjáinn getur haft áhrif á líkamlega heilsu þína, sérstaklega sjónina. 

Farðu í stutta göngu í matarhléinu til að koma blóðflæðinu af stað. Þú getur jafnvel tekið frá tíma yfir daginn til að gera léttar teygjuæfingar á vinnutíma og slakað á vöðvunum. 20-20-20 reglan er önnur frábær leið til að taka stutt hlé; hún felur í sér að hvíla augun á skjánum í 20 sekúndur á 20 mínútna fresti og horfa á hlut sem er í minnst 6 metra fjarlægð. 

Að fjárfesta í réttum búnaði og tileinka sér venjur sem eru góðar fyrir líkamsstöðuna er besta skrefið sem þú getur tekið til að vernda líkamlega heilsu þína til lengri tíma. Þessi vinnuvistfræðilegi gátlisti fyrir heimavinnu getur hjálpað þér að tryggja að þú takir á öllum þáttum. 

Stór hluti fullorðinsáranna fer í vinnu; við skrifborðið og fyrir framan skjáinn. Það er kominn tími til að leggja áherslu á að bæta líkamlega heilsu okkar á vinnutíma. Kynntu þér hvernig Mobile Pixels getur gert vinnu að heiman skilvirka og árangursríka.